ABŞ Federal Ehtiyat Sistemi (FED) faiz dərəcəsini 0,25 faiz bəndi artıraraq 3,75–4 faiz aralığına yüksəldib.
Bu, 2023-cü ildən bəri ABŞ-da ilk faiz artımıdır. Qərarın əsas səbəbi ölkədə inflyasiyanın hələ də yüksək olaraq qalmasıdır. FED sədri Kevin Uorş qiymət artımının daha sürətli zəifləməsi üçün pul siyasətinin sərtləşdirilməsinə ehtiyac olduğunu bildirib.
FED-in yeni proqnozlarına görə, uçot dərəcəsinin 2026-cı ilin sonunda 4–4,25 faiz aralığında olması gözlənilir. Bu isə faiz artımlarının davam etdirilə biləcəyi ehtimalını gündəmdə saxlayır.
Qərar ABŞ prezidenti Donald Trampın faizlərin aşağı salınması ilə bağlı çağırışları fonunda qəbul edilib.
Faizlərin artırılması dolların möhkəmlənməsinə və ABŞ dövlət istiqrazlarının gəlirliliyinin yüksəlməsinə səbəb olub. Eyni zamanda yüksək faizlər kreditləri bahalaşdırır və iqtisadi aktivliyə təsir göstərə bilər.
