ABŞ Fələstinin HƏMAS terror təşkilatının maliyyələşdirilməsi ilə mübarizə aparmaq üçün beynəlxalq koalisiya yaratmağa çalışır.
Azpost.info xəbər verir ki, bunu ABŞ maliyyə nazirinin müavini Valli Adeyemo deyib.
Onun sözlərinə görə, Vaşinqton belə bir koalisiyaya təkcə region ölkələrini deyil, bütün dünyanı da daxil etməlidir.
Adeyemo bildirib ki, o, bu həftə Avropa ölkələrinə səfər edəcək və bu müddət ərzində müttəfiqləri və tərəfdaşları ilə HƏMAS maliyyə şəbəkəsinə zərbə endirmək üçün səyləri necə əlaqələndirəcəyini müzakirə edəcək.
Vaşinqton ABŞ və Avropa İttifaqının terrorçu qrup elan etdiyi HƏMAS-a qarşı artıq bir sıra sanksiyalar tətbiq edib. Lakin HƏMAS kriptovalyutaların və yeni sponsorların köməyi ilə cəzalardan yan keçməyə çalışır.
Azpost.info
