İran Prezidenti Məsud Pezeşkian ABŞ-nin təzyiq və təhdidlərinin İranı təslim olmağa məcbur edə bilməyəcəyini bildirib.
Bu barədə “Əl-Cəzirə” telekanalı məlumat yayıb.
Pezeşkian qeyd edib ki, ABŞ İran xalqını qorxutmaqla məqsədinə nail ola bilmədiyi üçün ölkənin ərzaq və digər mühüm resurslara çıxışını məhdudlaşdırmağa çalışır. Prezident vurğulayıb ki, İran xalqı təslim olmayacaq.
Qeyd edək ki, avqust ayında ABŞ İranı maliyyə baxımından daha da təcrid etmək və münaqişədə geri çəkilməyə məcbur etmək məqsədilə yeni iqtisadi tədbirlərə başlayıb. ABŞ Prezidenti Donald Tramp isə Vaşinqtonla Tehran arasında münaqişənin noyabrda keçiriləcək ara seçkilərindən sonra başa çatacağını bildirib.
