“Vaqner”in rəhbəri Yevgeni Priqojin çoxdan Rusiyanın hərbi rəhbərliyinə meydan oxumağı planlaşdırıb. Lakin onun çevrilişinin son məqsədinin nə olacağı bəlli deyildi.
Azpost.info bildirir ki, bu barədə ABŞ kəşfiyyat rəsmiləri CNN-ə bildiriblər.
İki mənbənin bildirdiyinə görə, bu həftənin əvvəlində kəşfiyyat rəsmiləri ABŞ Konqresinin liderlərinə “Vaqner”in hərəkəti və Rusiya sərhədi yaxınlığına avadanlıq yığması barədə məlumat verib.
Qərb kəşfiyyatının rəsmisi və kəşfiyyat məlumatları ilə tanış olan digər bir şəxs deyib ki, Amerika və Qərb kəşfiyyat rəsmiləri Priqojinin silah və sursat ehtiyatı toplamasında onun qiyama hazırlaşdığına dair əlamətlər görüblər.
Bu kəşfiyyat məmuru bildirib ki, Priqojinin Ukraynada sursat çatışmazlığı ilə bağlı iddiaları bilərəkən dediyi yalan olub. Kəşfiyyat dairələri onun bunu öz hərbi niyyətinə zəmin yaratmaq üçün qəsdən etdiyinə inanırlar.
Kəşfiyyatla tanış olan mənbə deyib ki, hər şey çox sürətlə baş verib. Priqojinin niyyətinin nə dərəcədə ciddi olduğunu və qoşunlarını hara aparacağını anlamaq çətin olub.
Azpost.info
