Pentaqonun rəhbəri Lloyd Ostinlə Ukraynanın müdafiə naziri Aleksey Reznikov arasında telefon söhbəti olub.
Azpost.info xəbər verir ki, bu barədə Ostin açıqlama yayıb.
Tərəflər Ukrayna ordusunun hazırkı ehtiyaclarını və döyüş meydanındakı vəziyyəti müzakirə ediblər. Ostin bildirib ki, ABŞ Kiyevə lazımi silahları təhvil verməyə hazırdır: “Həmkarım Aleksey Reznikov ilə Ukrayna ordusunun ehtiyaclarını müzakirə etdim. Rusiyanın təcavüzünə qarşı çıxmaq üçün lazımi imkanların Ukraynaya ötürülməsində davamlı dəstəyimizi bir daha təsdiqlədim”.
Pentaqonun rəhbəri ukraynalı həmkarını ABŞ, onun müttəfiqləri və tərəfdaşlarının Ukraynaya təhlükəsizlik yardımı məsələsində birgə səyləri barədə də məlumatlandırıb. Öz növbəsində, Reznikov Ostinlə Ukraynanın şərqindəki vəziyyətlə bağlı qiymətləndirməsini bölüşüb.
Azpost.info
