“Vaşinqtonun Suriyadakı vəziyyətə müdaxiləsi olmasa, ərəb respublikasında çox güman ki, diktatura və ya ekstremist rejim qurulacaq”.
Azpost.info bildirir ki, bu barədə ABŞ dövlət katibi Antoni Blinken “Foreign Affairs” jurnalına müsahibəsində açıqlayıb.
Blinkenin sözlərinə görə, ABŞ Suriyanın “müsbət istiqamətdə hərəkət etməsini” təmin edir: “Heç bir zəmanət yoxdur. Bir diktatorun digəri ilə əvəz oluna biləcəyini, bir kənar təsirin digərini əvəz etməsini çox görmüşük. Bir ekstremist qrup öz yerini başqa bir ekstremist qrupa verə bilər. Bizim iştirakımız olmadan, bizim rəhbərliyimiz olmadan hər şeyin bu istiqamətdə gedəcəyini bilirik”.
“Biz bilirik ki, Suriya terrorizm üçün yuva, kütləvi köçkünlük mənbəyi olmasına icazə versək, Suriya nəyə çevrilə bilər. Bu, Suriyadan uzaq olan ölkələr üçün ciddi nəticələrə gətirib çıxara bilər”, – ABŞ dövlət katibi vurğulayıb.
