“ABŞ-ın NATO-dan çıxması alyansın sonu demək olacaq”.
Azpost.info bildirir ki, bu barədə ABŞ-ın sabiq prezidenti Trampın keçmiş milli təhlükəsizlik müşaviri Bolton “Politico” jurnalına müsahibəsində bildirib.
Boltonun sözlərinə görə, əgər ABŞ NATO-nun üzvlüyündən çıxsa, alyans faktiki olaraq fəaliyyətini dayandıracaq. Bu, Vaşinqtonun reputasiyasına zərbə olacaq.
“Bu, NATO-nun sonu demək olardı. Biz (ABŞ) NATO-nun lideriyik. Bizsiz bu alyans yalnız Avropa İttifaqının strukturunun qalıqları olacaq, lakin bu addım Avropa və Şimali Amerikadan kənarda nəticələrini göstərəcək. Mən inanıram ki, bu, ABŞ-ın dünyadakı nufuzu üçün fəlakət olardı. Əgər biz NATO-nu kənara qoymaq istəsək, ABŞ-ın iştirak etdiyi heç bir ittifaq etibarlı olmayacaq”, – deyə Bolton vurğulayıb.
Bolton ABŞ Konqresinin prezidentn birtərəfli qaydada qərar vermək təşəbbüsünə əngəl ola biləcəyinə şübhə ilə yanaşıb: “Prezidentin birtərəfli qaydada müqavilədən çıxmağa qərar verib-verməmək məsələsi heç vaxt tam həll olunmayıb. amma belə faktlar Amerika tarixində dəfələrlə olub. Mən şəxsən bir neçə epizodda iştirak etmişəm: Corc Buş Raket Əleyhinə Müqavilədən çıxdı, Tramp Orta və uzq mənzilli raketlərin ləğvi haqqında müqavilədən, və Rusiya ilə “Açıq Səma” müqaviləsindən çıxdı. Konqres bunu bəyənmir. Amma mən hesab edirəm ki, konstitusiya baxımından bu, tamamilə prezidentin əlindədir”-deyə Boltin bildirib.
Azpost.info
