Vaşinqton və Kiyev “səs-küy salmadan” Ukraynaya “Patriot” Hava Hucumundan Müdafə raketlərinin göndırilməsi barədə danışıqlar aparır.
Azpost.info bildirir ki, bu barədə ABŞ-ın nufuzlu “Politico” nəşri yazıb. Bu məsələ barədə müzakirələr Pentaqonda ilkin mərhələdədir və son qərarı prezident Bayden verəcək.
Kiyevə “Patriot” raketlərinin verilməsi barədə müsbət qərar verilməsini ləngidən məsələlərdən biri bu raketlərin çatışmamazlığıdır. Çünki bu sistemlər ABŞ-ın müttəfiq ölkələri üzrə Avropa, Yaxın Şərq və Sakit Okean regionunda yerləşdirilib.
Lakin ABŞ-da Ukraynaya bu raketlərin verilməsi barədə danışıqların olması artıq ciddi addım sayıla bilər. Bu ilin baharında ABŞ bu ideyanı rədd etmişdi.
Bir müddət əvvəl Pentaqon Ukraynaya göndəriləcək NASAMS daşınan zenit raket kompleksinin istehsalı üçün Raytheon Technologies şirkəti ilə 182 milyon dollar məbləğində müqavilə də imzalayıb. Qarşıdakı iki ay ərzində ilk partiya Kiyevə göndəriləcək.
“Pərdə arxasında bu münaqişənin gedişatını kökündən dəyişdirəcək silahın axtarışları səngimir. Son həftələrdə qırıcılar və HHM sistemlər göndəriləcəyi barədə uca səslə verilən bəyanatları sakit danışıqlar əvəz edib”-deyə nəşr qeyd edir.
