“ABŞ prezidenti insult keçirməyib” –Trampın həkimi təkzib etdi

ABŞ prezidenti Donald Trampın şəxsi həkimi Şon Konli Birləşmiş Ştatlar liderinin sağlam olduğunu təsdiq edib.

Bu barədə “Report” TASS-a istinadən xəbər verir.

Şon Konli bildirib ki, ABŞ lideri insult və ya mikroinsult keçirməyib.

“Prezident sağlamdır, mənim onu gözləyən gərgin iş qrafikinə dözmək qabiliyyətindən qorxum yoxdur. Son hesabatımda göstərildiyi kimi, güman edirəm ki, o prezident səlahiyyətlərini yerinə yetirmək vəziyyətində qalacaq”, – deyə həkimin Ağ Ev tərəfindən yayılmış bəyanatında deyilir. Konli vurğulayıb ki, Trampda KİV-in səhvən bildirdiyi kimi insult, mikroinsult və ya hər hansı başqa kəskin ürək-damar xəstəlikləri olmayıb.

Daha əvvəl Tramp özünün “Twitter”dəki səhifəsində bu yaxınlarda bir neçə dəfə mikoinsult keçirməsi xəbəri yalan adlandırıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Svetlana Tixanovskaya Krımla bağlı mövqeyini açıqlayıb

Sonrakı məqalə

Magistraturaların boş qalan plan yerlərinə müsabiqənin nəticələri elan olunub