Qazaxıstan bankları Rusiyadan olan sahibkarlardan rublla ödənişləri qəbul etməkdən imtina edir.
Azpost.info xəbər verir ki, bu barədə “Vedomosti” yazır.
Çətinliklər ABŞ-ın ölkəyə maliyyə nəzarətini gücləndirməsindən sonra yaranıb.
Mənbə bildirib ki, “Halyk Bank”, “Fortenank”, “RBK bank” və “Bereke bank” bu yaxınlarda rublla onlarla ödənişi geri qaytarıb. Rublla ödənişlərlə bağlı problemləri “Toçka Bank”ın nümayəndəsi Anna Davydova təsdiqləyib.
“ABŞ-ın Qazaxıstan və Ermənistana aratan nəzarəti rublun dollara çevrilməməsinin qarşısını alır”, – “MoneyPort” kriptovalyuta birjasının təsisçisi Aleksandr Faktorov deyib. Nəticədə Rusiya biznesi Qazaxıstan tengesinə keçməyə başlayıb.
A.Davydova qeyd edir ki, “Toçka”da apreldə tenge ilə ödənişlərin sayı mart ayı ilə müqayisədə 75 faiz artıb.
“Delovaya Rossiya” Baş Şurasının üzvü Aleksey Poroşin deyir ki, ödəniş Rusiya şirkətindən gələrsə, Qazaxıstan bankları hətta tenge qəbul etməkdən belə, imtina edirlər.
“Əgər əməliyyat bankın daxili nəzarətindən keçmirsə və riskli əməliyyatlar kateqoriyasına düşərsə, əməliyyatın dondurulması və ya geri qaytarılması mümkündür”, – “Kontinental” hüquq firmasının rəhbəri Eldar Babayev bildirib.
“Levoberejnı” bankından bildiriblər ki, Qazaxıstan bankları Rusiyaya Ukraynadakı müharibəyə görə tətbiq edilən sanksiyalara riayət etməyə məcburdur, çünki ABŞ ölkə iqtisadiyyatının əsas sərmayəçisidir.
“Kommersant” da bazar mənbələrinə istinadən yazmışdı ki, son həftələrdə Qazaxıstan və Ermənistan bankları da rusiyalı sahibkarların serverlər, mikrosxemlər, prosessorlar, telekommunikasiya avadanlıqları və digər elektronika üçün ödənişlərini bloklamağa başlayıb.
Azpost.info
