ABŞ sanksiyalardan yayınan rus oliqarxlarının yolunu bağlayır –Yeni strategiya açıqlandı

ABŞ Maliyyə Nazirliyi çirkli pulların yuyulması, daşınmaz əmlak alqı-satqısı və qanunvericilikdəki boşluqları doldurmaqla terrorizmin maliyyələşdirilməsi ilə mübarizə üzrə milli strategiyanı yenilədiyini açıqlayıb.

Azpost.info xəbər verir ki, yeni strategiya sanksiyalardan yayınmağa qarşı tədbirləri də özündə əks etdirəcək.

Nazirlik bildirib ki, sanksiyaya məruz qalan rusiyalılar öz adlarını və aktivlərini gizlətməyə, saxta şirkətlərdən və daşınmaz əmlak sövdələşmələrindən istifadə ilə məhdudiyyətlərdən yan keçməyə çalışıblar: “Adlarını, bank hesablarını, qiymətli kağızlarını, daşınmaz əmlaklarını və digər aktivlərini gizlədir, bununla sanksiaylardan yayınmağa çalışırlar”.

Maliyyə Nazirliyi rusiyalı oliqarxlar tərəfindən istifadə edilən və ABŞ-ın maliyyə sisteminə anonim girişdən sui-istifadəyə imkan verən boşluqları da aradan qaldırmaq fikrindədir: “Sanksiyalar altında olan rusiyalı oliqarxlar aktivləri gizlətmək üçün saxta şirkətlərdən və nağd pulla daşınmaz əmlak alqı-satqısı əməliyyatlarından istifadə ediblər. Onların ABŞ-da gizlədilən aktivlərini müəyyən etməyə davam edəcəyik”.

ABŞ maliyyə naziri Canet Yellen Rusiyanın məhdudiyyətlərdən kriptovalyutalardan istifadə ilə də yayına biləcəyini istisna etməyib.

Azpost.info

Əvvəlki məqalə

Əfv Komissiyasının iclası başlayıb

Sonrakı məqalə

Avropa İttifaqı ilə əməkdaşlıq Komitəsinə yeni rəhbər təyin edilib