ABŞ Ukraynaya yeni hərbi yardım paketini açıqlayıb.
Azpost.info xəbər verir ki, bu barədə Pentaqonun rəhbəri Lloyd Ostin Brüsseldə Ukraynanın Müdafiə Məsələləri üzrə Təmas Qrupunun (Ramşteyn formatı) 16-cı iclasında bildirib.
“Mən məmnuniyyətlə elan edirəm ki, Birləşmiş Ştatlar Ukrayna üçün son müdafiə dəstəyi paketinə 200 milyon dollar ayırır”, – o deyib.
Ostinin sözlərinə görə, yeni paketə hava hücumundan müdafiə sursatları, raketlər, artilleriya və dəqiq aviasiya sursatları, həmçinin Rusiya pilotsuz təyyarələrinə qarşı silahlar daxildir.
Pentaqonun rəhbəri bildirib ki, ABŞ-ın Ukraynaya hərbi yardımının ümumi dəyəri Rusiyanın tammiqyaslı işğalının əvvəlindən 43,9 milyard dollara yüksəlib.
Azpost.info
