“Fransa lideri Emmanuel Makron, Almaniya kansleri Olaf Şolts, İtaliya Baş naziri Giorgia Meloni və Britaniyanın Baş naziri Rişi Sunak İsraili dəstəklədiklərini bildiriblər və və onun terrordan qorunmaq hüququnu təsdiqləyiblər”.
Azpost.info xəbər verir ki, bu barədə Ağ Evdən verilən məlumatda deyilir.
Dünya liderləri eyni zamanda İsraili hakimiyyətini mülki şəxslərin müdafiəsi də daxil olmaqla, beynəlxalq humanitar hüquqa riayət etməyə çağırıblar.
Hökumət rəsmiləri HƏMAS tərəfindən iki girovun azad edilməsini alqışlayıb və bütün digər şəxslərin dərhal azad edilməsinə çağırıblar.
Siyasətçilər bölgədəki vətəndaşlarına, xüsusən də Qəzza zolağından çıxmaq istəyənlərə dəstək olmaq üçün səyləri yaxından əlaqələndirməyə söz veriblər.
ABŞ, Kanada və dörd Avropa ölkəsinin liderləri Qəzza zolağında ehtiyacı olan insanlara ilk humanitar yardım karvanlarının çatdırılmasını alqışlayıblar. Birgə bəyanatda insanların əsas humanitar ehtiyaclarını ödəmək üçün lazım olan qida, su, səhiyyə və digər yardımlara davamlı və təhlükəsiz çıxışı təmin etmək üçün regiondakı tərəfdaşlarla koordinasiyanı davam etdirməyə söz verilib.
Vaşinqton əlavə edib ki, onlar münaqişənin yayılmasının qarşısını almaq, Yaxın Şərqdə sabitliyi qorumaq və siyasi həll və davamlı sülhə doğru irəliləmək üçün regiondakı əsas tərəfdaşlarla da sıx diplomatik koordinasiyanı davam etdirəcəklər.
Azpost.info
