“Hazırda bu və ya digər tərəfin danışıqlara hazır olacağına dair heç bir gözlənti yoxdur”. AzPost TASS agentliyinə istinadla xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirilən onlayn brifinqdə Ukrayna ətrafındakı vəziyyəti şərh edərkən deyib.
Qeyd edək ki, Rusiyanın xarici işlər naziri Sergey Lavrov dekabrın 29-da TASS agentliyinə müsahibəsində bildirmişdi ki, Moskva Ukrayna ilə bağlı danışıqlara hazırdır, lakin razılaşmalar elə olmalıdır ki, sonradan pozulmasın. Xarici işlər naziri Rusiya prezidenti Vladimir Putinin ilin yekunlarına dair mətbuat konfransında Moskvanın nizamlanma ilə bağlı prinsipial mövqeyini ortaya qoymasına diqqət çəkmişdi. “Biz həmişə danışıqlara hazır olmuşuq və hazırıq”, – deyə Lavrov qeyd ermişdi.
