Almaniya hökuməti ukraynalı qaçqınları Ukrayna ordusunda xidmət üçün Kiyevə təhvil verməyəcək.
Azpost.info xəbər verir ki, bunu Almaniyanın ədliyyə naziri Marko Buşman bildirib.
“Biz insanları xidmətə məcbur etməyəcək və ya onların iradəsinə zidd olaraq xidmətə göndərməyəcəyik. Çünki Konstitusiyamıza görə, heç kim iradəsinə zidd olaraq silahlı xidmət etməməlidir. Belə oln halda biz başqa ölkələrdən olan insanları buna necə məcbur edə bilərik”, – nazir bildirib.
Onun sözlərinə görə, ukraynalı mühacirlər Almaniyaya qəbul edilib və onlara işləmək imkanı yaradılıb. “Biz çalışırıq ki, Ukraynadan daha çox insan işlə təmin olunsun və vətəndaşlarımızın pulu hesabına daha az yaşasın”, – Buşman əlavə edib.
Bundan əvvəl Çexiya, Polşa, Avstriya və Macarıstan hərbi xidmətə yararlı qaçqınları Ukraynaya təhvil verməkdən imtina etmişdilər.
Bir gün əvvəl Ukraynanın müdafiə naziri Rustem Umerov demişdi ki, Kiyev 2024-cü ildə xaricdə yaşayan 25-60 yaş arası ukraynalıları hərbi xidmətə çağırmağı planlaşdırır.
Azpost.info
