Almaniya hökuməti Rusiyada keçirilmiş prezident seçkilərini legitim hesab etmir və onların nəticələrini tanımağı planlaşdırmır.
Azpost.info xəbər verir ki, bunu Almaniya Nazirlər Kabinetinin nümayəndəsi Kristian Hofman bildirib.
“Biz bu seçkiləri qeyri-legitim hesab edirik”, – Hofman deyib.
Jurnalistlərin Almaniya hakimiyyətinin Vladimir Putini prezident adlandırıb-adlandırmayacağına gəlincə, Hofman qeyd edib ki, hazırda Berlin və Moskva arasında dialoq yoxdur, ona görə də bu sual yaranmır. Bununla belə, o əlavə edib ki, Almaniya hökuməti faydalı olarsa, Putinlə danışmağa hazırdır.
“Lakin bu, hazırda planlaşdırılmır”, – Hofman qeyd edib.
Almaniya Xarici İşlər Nazirliyinin sözçüsü Sebastyan Fişer öz növbəsində bildirib ki, XİN əvvəllər olduğu kimi Rusiya prezidenti Vladimir Putinə sadəcə “Putin” deyəcək.
Azpost.info
