Almaniya gömrüyü Rusiyadan gələn “Atlantic Navigator II” yük gəmisini Baltik dənizindəki “Rostok” limanında saxlayıb.
Azpost.info xəbər verir ki, gəmidə Aİ sanksiyalarına məruz qalan mallar aşkar edilib.
Bununla əlaqədar “Rostok” limanı və gəmiçilik idarəsi bildirib ki, gəmiyə səyahətini davam etdirmək qadağan edilib.
“Atlantic Navigator II” nüvə elektrik stansiyaları üçün ağcaqayın ağacını və zənginləşdirilmiş uranı daşıyıb”, – “Ostsee Zeitung” yazır.
Yükün ümumi dəyəri 40 milyon avrodur. Nəşrin məlumatına görə, Marşal adalarının bayrağı altında üzən 193 metrlik gəmi Sankt-Peterburqdan ABŞ-a gedirmiş. “Rostok”da martın 4-də saxlanılıb. O, texniki problemlərə görə yerli limana daxil olub.
Gömrük xidməti xarici ticarət məhdudiyyətlərinə riayət olunmasına nəzarət çərçivəsində gəminin yükünün yoxlanıldığını bildirib. Sanksiyaya məruz qalan mallar aşkar edildikdən sonra araşdırmalara başlanılıb. Hələlik gəmi “Rostok” limanında qalacaq. Ekipaj üzvləri də gəmidə qalırlar, lakin onlara sahilə çıxmağa icazə verilir.
Azpost.info
