“Qazaxıstan və Almaniya ikitərəfli siyasi-iqtisadi, mədəni və humanitar əlaqələrin dərinləşdirilməsinin perspektivlərini, həmçinin beynəlxalq gündəlikdəki bir sıra məsələləri müzakirə ediblər”.
Azpost.info xəbər verir ki, bu barədə Qazaxıstanın xarici işlər naziri Muxtar Tleuberdi almaniyalı həmkarı Annalena Berbok ilə danışıqların yekunlarına dair mətbuat konfransında bildirib.
“Qazaxıstan və Almaniya arasında diplomatik münasibətlərin qurulmasının 30-cu ildönümündə biz konfidensial siyasi dialoqun yüksək səviyyəsini və ticari-iqtisadi və investisiya sahələrində güclü qarşılıqlı faydalı əməkdaşlığı məmnunluqla qeyd etdik. Çoxvektorlu xarici siyasətimizin davamlılığı çərçivəsində biz Almaniya və Avropa İttifaqı ilə əməkdaşlığı genişləndirmək üçün bütün səylərimizi davam etdirəcəyik”, – Tleuberdi deyib.
Nazir əmin olduğunu bildirib ki, Annalena Berbokun Qazaxıstana səfəri ölkələr arasında iqtisadi əməkdaşlığa və siyasi qarşılıqlı fəaliyyətə, eləcə də təmasların intensivləşməsinə əlavə təkan verəcək: “Biz Almaniya Bundestaqının deputatlarının gəlişini və onların Qazaxıstan parlamentariləri ilə görüşünü alqışlayırıq. Əminəm ki, parlamentarizmin inkişafı ilə bağlı, xüsusən də ölkədə ədalətli Qazaxıstanın qurulmasına yönəlmiş genişmiqyaslı siyasi və sosial islahatlar kontekstində fəal fikir və təcrübə mübadiləsi aparılacaq”.
Azpost.info
