Almaniya
Almaniyada 65 yaşdan yuxarı alman pensiyaçılarının orta gəliri ayda 1990 avro təşkil edir.
AzPost “Der Spiegel” nəşrinə istinadən bildirir ki, bu barədə Federal Statistika İdarəsinin məlumatında deyilir.
Onların 20 faizi ayda 1400 avrodan çox olmayan pulla yaşayır. Almaniyada orta gəlir 2300 avrodur. Pensiyaçıların ən varlı 20%-i ayda 2870 avrodan çox qazanır.
Almaniyada yaşlı vətəndaşların gəlirlərinin 92%-ni pensiyalar təşkil edir. Qalanı isə əmlak, məşğulluq və digər gəlirlərdən əldə edir.
Eyni zamanda, pensiyada olan qadınlar kişilərdən orta hesabla əhəmiyyətli dərəcədə az – 2,320 avroya qarşı 1,720 avro alırlar. Nəşr qeyd edir ki, bu qismən onların həyatları boyu məşğulluq səviyyəsinin aşağı olması ilə bağlıdır.
Agentliyin hesablamalarına görə, Almaniyada dövlət dəstəyindən asılı olan pensiyaçıların sayı artır. Keçən il, demək olar ki, 739,000 nəfər qocalıq dövründə əsas sosial müavinət alıb. Bu, 2020-ci illə müqayisədə 31% artımdır. Göstərilən səbəblərdən biri Almaniyada müavinət almaq hüququ olan ukraynalıların sayının artmasıdır.
