Alman zabitləri arasında baş tutan və sonradan sızdırılan söhbətin məzmunu Qərbin Ukraynadakı münaqişədə birbaşa iştirakını göstərir.
Azpost.info xəbər verir ki, bunu Rusiya prezidentinin mətbuat katibi Dmitri Peskov bildirib.
“Bilirsiniz ki, biz demarş etdik və Almaniya səfirini Rusiya Xarici İşlər Nazirliyinə çağırdıq. Özlüyündə hərbçilərin söhbəti onu göstərir ki, Bundesver daxilində Rusiya ərazisinə zərbələr endirmək planları əsaslı və konkret olaraq müzakirə olunur. Bunun heç bir hüquqi şərhə ehtiyacı yoxdur, burada hər şey aydındır”, – Peskov deyib.
Martın 1-də RT-nin baş redaktoru Marqarita Simonyan alman hərbçiləri arasında Ukraynaya “Taurus” raketlərinin göndərilməsi və onlarla Krım körpüsünə hücum imkanlarını müzakirə edən 40 dəqiqəlik səs yazısını ictimailəşdirib.
Azpost.info
