Bu gün Antalyada baş tutan Diplomatik Forum çərçivəsində Türkiyə və Ermənistanın xarici işlər nazirləri Hakan Fidan və Ararat Mirzoyan arasında görüş keçirilib.
Azpost.info xəbər verir ki, görüşdə iki ölkə arasında münasibətlərin normallaşdırılması üzrə xüsusi nümayəndələr də iştirak ediblər.
Ermənistan və Türkiyə arasında münasibətlərin normallaşması prosesi müzakirə edilib və bu istiqamətdə mümkün konkret addımlar ətrafında fikir mübadiləsi aparılıb.
Görüşdə beynəlxalq və regional məsələlərə də toxunulub.
Azpost.info
