Apple
Texnologiya nəhəngi Apple Rusiyada bir sıra tanınmış brendlərinin hüquqlarını minimum on il uzadıb. Rospatent-in elektron bazasına əsasən, şirkət iWeb, Macexpo, iPod, Time Machine, Mac Pro, Pod, Mobile Me və məşhur “dişlənmiş alma” loqotipinin qeydiyyatını 2036-cı ilə qədər yeniləyib.
Rospatent məlumatlarına görə, bu brendlər altında Rusiyada telefonlar, qulaqlıq, kompüterlər, proqram təminatı və oyunlar satışa çıxarıla, həmçinin rabitə xidmətləri göstərilə bilər.
Xatırladaq ki, 2026-cı ilin yanvarında Apple Rusiyada öz adının ticarət nişanını rəsmi olaraq qeydiyyatdan keçirib. Ötən il isə şirkət yalnız Center Stage brendini qeydiyyata almışdı və 2025-ci ildə yeni ərizələr təqdim edilməyib.
Bu addım Apple-ın Rusiyada brend mövqeyini qorumaq və hüquqlarını daha da möhkəmləndirmək niyyətini göstərir.
