“Araz” və “Space” radio kanallarının yayımı 3 saatlıq dayandırılacaq

İyulun 12-də Milli Televiziya və Radio Şurasının onlayn formatda iclası keçirilib.

MTRŞ-dan bildirilib ki, iclasda 25 iyun-9 iyul 2021-ci il tarixlərində ümum-ölkə radio kanallarının monitorinqinin nəticələri müzakirə olunub.

30 iyun 2021-ci il tarixdə “Araz” radio kanalının efirində saat 13.00 – 14.00 arası müddətdə 5 dəqiqə 30 saniyə sponsor reklamının yayımlanması ilə “Reklam haqqında” Azərbaycan Respublikasının Qanununun 13.2-ci maddəsinin tələbləri pozulmuşdur. Şura “Televiziya və radio yayımı haqqında” Azərbaycan Respublikasının Qanununun 23.1-ci maddəsini rəhbər tutaraq “Araz” radio kanalının efirində 18 iyul 2021-ci il tarixdə proqramların yayımının 3 saatlıq müddətədək (saat 21:00-dan saat 24:00-dək) dayandırılması haqqında qərar qəbul edib.

Həmçinin, 1 iyul 2021-ci il tarixdə “Space” radio kanalının efirində saat 08.00 – 09.00 arası müddətdə 5 dəqiqə sponsor reklamının yayımlanması ilə “Reklam haqqında” Azərbaycan Respublikasının Qanununun 13.2-ci maddəsinin tələbləri pozulub.

Şura “Televiziya və radio yayımı haqqında” Azərbaycan Respublikasının Qanununun 23.1-ci maddəsini rəhbər tutaraq “Space” radio kanalının efirində 17 iyul 2021-ci il tarixdə proqramların yayımının 3 saatlıq müddətədək (saat 21:00-dan saat 24:00-dək) dayandırılması haqqında qərar qəbul edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Gürcüstanda jurnalistlər zorla parlamentə girdilər-

Sonrakı məqalə

“Xarici siyasətimiz sülh və təhlükəsizliyin təmin edilməsinə yönələcək” –