Avtomobil istehsalçısı Aston Martin britaniyalı egg markası ilə əməkdaşlıq edərək uşaqlar üçün yeni uşaq arabası kolleksiyası təqdim edib.
AzPost xəbər verir ki, kolleksiya üç rəngdə hazırlanıb və onlardan biri Aston Martin-in Formula-1 və uzunmüddətli yarış avtomobillərinin rəng sxemini təkrarlayır.
Uşaq arabaları BabyStyle şirkətinin bazasında hazırlanıb və Aston Martin-in avtomobillərindən ilham alınmış detal və dizaynlarla fərqlənir. Məsələn, parçanın tikişi DBX707 modelinin interyerini xatırladır, təkər diskləri isə Valour və Victor modellərinin dizaynını əks etdirir.
Kolleksiyanın rəsmi təqdimatı Köln sərgisində baş tutub. Qeyd olunur ki, arabalar 2025-ci ilin dördüncü rübündə satışa çıxacaq.
