“Atletiko Madrid” öz stadionunda buz meydançası açıb.
Oxu.Az xəbər verir ki, klubun mətbuat xidməti bu barədə məlumat yayıb.
Klubdan verilən məlumata əsasən, bu, Avropanın ən böyük buz meydançalarından biridir. Həmin meydançada eyni vaxtda 1 500 nəfər konki sürə bilər.
Qeyd edək ki, meydanla tribunalar arasında yerləşən buz sahəsinin qazonun vəziyyətinə təsir etməyəcəyi bildirilir.
