Aviabiletləri bazar günləri bronlaşdıran insanlar cümə günü ilə müqayisədə onları 23 faiz daha aşağı qiymətlə ala bilərlər.
AZƏRTAC “Expedia” səyahətlərin bronlaşması saytına istinadla xəbər verir ki, tədqiqatlara görə, ucuz səyahətlər axtararkən biletləri səfərdən 112–132 gün əvvəl bron etmək daha yaxşı olar.
Bir çoxları düşünürlər ki, biletlərin yarım il öncədən alınması xərcləri azaltmağa imkan verəcək. Lakin məlumatlara əsasən, bu, biletlərin son anda alınması kimi baha ola bilər. Səfərdən təxminən dörd ay öncə isə ən optimal müddətdir.
