Avropa
“Avropa İttifaqı HƏMAS-ın hücumları ilə bağlı İsrailin yanındadır və fələstinlilərin hərəkətlərini pisləyir”.
Azpost.info bildirir ki, bu sözləri Avropa İttifaqının Ali nümayəndəsi Josef Borrell bildirib.
O, bu barədə X sosial şəbəkəsində (keçmiş Twitter) yazıb: “Aİ bu çətin zamanda İsraillə həmrəyliyini ifadə edir”.
“Biz birmənalı olaraq HƏMAS hücumlarını pisləyirik. Bu dəhşətli zorakılıq dərhal dayandırılmalıdır. Terror və vəhşilik heç nəyi həll etmir”, – Borrell əlavə edib.
“The Times of Israel”in məlumatına görə, Qəzza zolağındakı fələstinli silahlı dəstələr səhər saatlarında İsrailin cənubuna və mərkəzinə raket zərbəsi endiriblər. O da məlum olub ki, onlarla fələstinli silahlı yük maşınları pikaplarla Qəzza zolağından İsrail ərazisinə daxil olub.
HƏMAS daha sonra 35 İsrail vətəndaşını əsir götürdüyünü bəyan edib.
