Avropa Parlamentinin üzvləri Avropa Komissiyasının 2023-cü ildə Ukraynaya 18 milyard avroluq makromaliyyə yardımı ayırması planını dəstəkləyiblər.
Azpost.info xəbər verir ki, bu barədə Avropa Parlamentinin saytında məlumat verilib.
Parlamentarilər hesab edirlər ki, bu məbləğ Ukraynanın əsas dövlət xidmətlərinin göstərilməsi və kritik infrastrukturun bərpası üçün aylıq ehtiyaclarının bir hissəsini ödəməyə kömək edəcək.
Dəstək paketi gələn ilin əvvəlindən müntəzəm hissələrlə ödəniləcək kreditlər şəklində veriləcək.
Ötən həftə Ukraynanın Baş naziri Denis Şmıqal bildirmişdi ki, ölkədə hərbi əməliyyatlar başlayandan bəri Kiyev 23 milyard dollardan çox xarici maliyyə yardımı alıb.
Azpost.info
