Avropa Komissiyasının sədri Ursula fon der Lyayen yenidən Kiyevə gəlib.
Azpost.info xəbər verir ki, o, Ukrayna prezidenti Vladimir Zelenski ilə görüşəcək.
Tərəflər Ukraynanın Avropa İttifaqına üzvlük məsələsini müzakirə etməyi planlaşdırırlar. “Prezident Zelenski ilə mən Ukraynanın bərpası üçün zəruri olan birgə işi və Ukraynanın Avropa yolunda əldə etdiyi irəliləyişi müzakirə edəcəyik”, – Lyayen “Tvitter”də yazıb.
Ursula fon der Leyen aprel ayında Kiyevə səfəri zamanı Ukrayna prezidentinə Aİ-yə namizəd olmaq üçün doldurması vacib olan anketi vermişdi. May ayında Kiyev sorğunu cavablandıraraq geri göndərib. İyunun sonuna kimi də Ukraynanın müraciəti qiymətləndirilməlidir.
Azpost.info
