Avropa Parlamentinin deputatları Avropa İttifaqını “Vaqner” qrupu terror təşkilatları siyahısına salmağa çağırıb.
Azpost.info xəbər verir ki, bu barədə “Politico” məlumat yayıb.
Deputatlar müvafiq təşəbbüslə Avropa İttifaqı Şurasının prezidenti Şarl Mişel əvə Çexiyanın Baş naziri Petr Fiala məktub göndəriblər.
Avropalı parlamentarilər “Vaqner” hərbi təşkilatını Ukraynada beynəlxalq hüququ pozan hərəkətlərdə və digər münaqişələrdə iştirakda ittiham ediblər: “Rusiya prezidenti Vladimir Putinin yaxın müttəfiqi Yevgeni Priqojinin rəhbərlik etdiyi “Vaqner” Ukraynadan tutmuş Suriyaya, Sudana, Mozambikə və Mərkəzi Afrika Respublikasına qədər bir çox ölkələrdəki münaqişələrdə iştirak edib”.
Azpost.info
