Qazaxıstanın seçilmiş prezidenti Kasım-Jomart Tokayevin andiçmə mərasimi noyabrın 26-da keçiriləcək.
Azpost.info xəbər verir ki, bu barədə TASS ölkənin Mərkəzi Seçki Komissiyasına istinadən məlumat yayıb.
“Prezident Kasım-Jomart Tokayevin andiçmə tarixi noyabrın 26-da baş tutacaq”, – Qazaxıstan Mərkəzi Seçki Komissiyasının sədri Nurlan Abdirov deyib.
Məlumata görə, Tokayev 81,31 faiz səs toplayıb. Eyni zamanda, seçici fəallığı 69,44 faiz təşkil edib.
Noyabrın 20-də Qazaxıstanda növbədənkənar prezident seçkiləri keçirilib. Seçilmiş prezidentin səlahiyyət müddəti 7 il olacaq.
Azpost.info