“Ukraynadakı vəziyyət və Yaxın Şərqdə silahlı münaqişə Avropada yeni müharibəyə səbəb ola bilər”.
Azpost.info xəbər verir ki, bunu Almaniyanın müdafiə naziri Boris Pistorius ZDF telekanalına müsahibəsində bildirib.
“Biz yenidən Avropada müharibə təhlükəsinin ola biləcəyi fikrinə alışmalıyıq. Bu baxımdan Almaniya özünü müdafiə etməyi bacarmalıdır. Bu, həm Bundesverə, həm də cəmiyyətə aiddir. Biz müharibəyə hazır olmalıyıq”, – Pistorius qeyd edib.
Müdafiə naziri hökumətin yeni təhdidlərə cavab verməkdə çox ləng olması ilə bağlı ittihamları rədd edib. O, Bundesveri yenidən təşkil etdiyini xatırladıb. Həmçinin Rusiyanın Ukraynaya təcavüzünə cavab olaraq 100 milyard avro dəyərində xüsusi fond yaradıldığını bildirib.
Azpost.info
