“Axmat” xüsusi təyinatlılarının komandiri Apti Alaudinov Ukrayna Silahlı Qüvvələrinin Kursk vilayətinə hücumu zamanı “Axmat-Çeçenistan” alayının 5 əsgərinin əsir götürüldüyünü təsdiqləyib.
Azpost.info bildirir ki, Çeçenistan hakimiyyəti əvvəllər çeçen əsgərlərinin əsir götürülməsini təkzib etmişdi.
Avqustun 11-də Ukraynanın “Yaşamaq istəyirəm” dövlət layihəsi tərəfindən Çeçenistandan əsir düşmüş hərbçilərin videosu yayımlanıb. Bu görüntülərdə ən azı onlarla rus hərbi əsirini görmək olar. Onlardan üçü haradan olduqları sualına cavab verərək “Qroznı” deyir. Layihədə deyilir ki, Kadırov bir dəfə “Axmat” döyüşçülərinin təslim olmadığını dediyi üçün onlar əsir düşməmək üçün qaçmağa çalışıblar.
Daha sonra Ukrayna Silahlı Qüvvələri başqa bir video yayımlayıb. Orada hərbi geyimli bir şəxs “Axmat” xüsusi təyinatlı dəstəsinin tərkibində xidmət etdiyini iddia edib. Qrup əvvəllər Kursk vilayətinə göndərilib.
