Azərbaycanın görkəmli rəssamlarının əsərləri eBay internet-mağazasında satışa çıxarılıb.
Azpost.info bildirir ki, bu barədə Rəşid Behbudov Fondunun prezidenti Kamil Şahverdi məlumat yayıb.
Onun bununla bağlı paylaşımında həmin rəsm əsərlərinin fotoları yer alıb.
Bu sırada məşhur rəssam Səttar Bəhlulzadənin 650 əsəri yer alıb. Bu əsərlərə 18 milyon 500 min dollar qiymət qoyulub. Bundan başqa sistemdə digər tanınmış rəssam Mikayıl Abdullayevin, Böyükağa Mirzəzadənin, Toğrul Nərimanbəyovun, Əli Verdiyevin əsərləri də var.
Mikayıl Abdullayevin iki əsərinə, 190 min və 195 min dollar, Böyükağa Mirzəzadənin əsərinə 260 min dollar, Toğrul Nərimanbəyovun “İçəri şəhər” tablosu 34 min dollar qiymət qoyulub.
Türkiyədən satışa çıxarılan əsərlərin orijinal olduğunu Azərbaycan Dövlət Muzeyinin təqdim etdiyi sertifikatlarla təsdiqləndiyi bildirilir.
Bu əsərlərin ölkədə necə və nə vaxt çıxarıldığı naməlumdur. Orjinal əsərlər dövlət və xalqın mülkiyyəti sayılır. Yəqin ki, bu əsərlərin hansı şəraitdə satışa çıxması araşdırılacaq.
Azpost.info
