“İran Ermənistan və Azərbaycan arasında sülh danışıqlarında irəliləyişi dəstəkləyir”.
Azpost.info bildirir ki, bu sözləri İran prezidenti İbrahim Rəisi Ermənistanın Baş naziri Paşinyanla telefon danışığı zamanı bildirib. Məlumatı İran Prezidentinin mətbuat xidməti yayıb.
“Ümid edirik ki, bu sahədə qalan məsələlər sülh yolu ilə və iki ölkənin suverenliyi və ərazi bütövlüyünə hörmətlə, beynəlxalq hüququn prinsiplərinə uyğun olaraq, həmçinin bütün xalqların hüquq və təhlükəsizliyi nəzərə alınmaqla həll olunacaq”-deyə Rəisi vurğulayıb.
İran prezidenti deyib ki, Tehran Qafqaz bölgəsinin məsələləri bütün region ölkələrinin konsensus və əməkdaşlıq əsasında, ümumi maraqlar və qarşılıqlı hörmət əsasında həll edilməsinin tərəfdarıdır.
O qeyd edib ki, İranın siyasəti bütün ölkələrin ərazi bütövlüyü və suverenliyini dəstəkləməkdir: “İran beynəlxalq sərhədlər də daxil olmaqla, regionun geosiyasətinin qorunub saxlanmasına və ölkələrin milli suverenliyinə hörmət edilməsinə xüsusi əhəmiyyət verir”.
İran prezidenti Ermənistanla olan məsləhətləşmələri iki ölkə arasında dostluq əlaqələrinin dərinliyinin əlaməti adlandırıb.
Azpost.info
