“Azad İstehlakçılar” İctimayi Birliyi (AİİB) istehlakçıların maarifləndirılməsinə dair layihənin əsas hissəsi-təlim bölməsinə başlamışdır.
“Azad İstehlakçılar” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Tullantıların bələdiyyə – icma əsaslı idarə edilməsi modeli üzrə maarifləndirmə tədbirləri” layihəsinin icrasının əsas hissəsinə 8 icmada yaradılmış təşəbbüs qruplarında praktik təlimlərə başlamışdır.
17 iyul 2025-ci il tarixdə Beyləqan rayonunun Dünyamalılar icmasında 2 nəfəri qadın və 10 nəfəri kişilərdən ibarət olan təşəbbüs qrupuna “Kompostlaşma və orqanik tullantıların idarə edilməsində COP yanaşmalarından irəli gələn müvafiq meyarlara (Davamlılıq, İcmanın inkişafı, Ekoloji təsir və sair) üstünlük verilməsi” mövzusunda təlim keçirilmişdir. Təlimçi Nizami Musayev mövzuya dair ətraflı məlumat vermiş, mövzuya dair pre-test iştirakçılara paylanılmışdır. İştirakçılar pre-testlləri cavablandırdıqdan sonra müzakirə əsasında keçirilən təlimdə Azər İsayev və Pəri Paşayevanın məişət tullantılarının bələdiyyə ilə birgə idarə olunması formalarına dair verdikləri sualı təlimçi Nizami Musayev ətraflı izah etdi. Digər iştirakçıların sualları da təlimçi tərəfindən ətraflı cavablandırıldı. Təlim iştirakçıları layihənin həqiqətən də aktual bir problemin həlli üzrə maarifləndirmə üçün əhəmiyyətli olduğunu qeyd etməklə, layihə Azərbaycan Respublikasının Qeyri- Hökumət Təşkilatlarına Dövlət Dəstəyi Agentliyinə və Azad İstehlakçılar İctimai Birliyinə dərin minnətdarlıqlarını bildirdilər.
18 iyul 2025-ci il tarixdə Beyləqan rayonunun Kəbirli icmasında 13 nəfər kişidən ibarət olan təşəbbüs qrupuna “Tullantıların azaldılmasında “3R” prinsipi (Azaltma –Reduce, Təkrar istifadə-Reuse, Yenidən emal-Resycle) tətbiqinin əhəmiyyəti” mövzusunda təlim keçirilmişdir. Təlimçi Nizami Musayev mövzuya dair ətraflı məlumat vermiş, ənənəvı olaraq mövzuya dair pre-test iştirakçılara paylanılmışdır. İştirakçılar pre-testlləri cavablandırdıqdan sonra müzakirə əsasında keçirilən təlimdə iştirakçılardan Qadir Babayev və Şəhriyar Kərimovun ərzaq tullantılarından kompost hazırlanmasının ən məqbul üsullarına dair verdikləri sual təlimçi Nizami Musayev ətraflı izah etdi. Digər iştirakçıların sualları da təlimçi tərəfindən ətraflı cavablandırıldı. Təlim iştirakçıları layihənin həqiqətən də aktual bir problemin həlli üçün maarifləndirmə üzrə əhəmiyyətli olduğunu qeyd etməklə, layihə Donoru olan Azərbaycan Respublikasının Qeyri- Hökumət Təşkilatlarına Dövlət Dəstəyi Agentliyi və Azad İstehlakçılar İctimai Birliyinə dərin minnətdarlıqlarını bildirdilər. Və bu kimi təlimlərin bütün əhali kütləsinə keçirilməsini qeyd etdilər.
19 iyul 2025-ci il tarixdə Beyləqan rayonunun Yuxarı Aran qəsəbəsində 2 nəfər qadın və 10 nəfər kişidən ibarət təşəbbüs qrupuna “Tullantıların idarə olunmasında icma əsaslı yanaşmanın üstünlükləri” mövzusunda təlim keçirilmişdir.
Təlimçi Xəlil Süleymanov mövzuya dair ətraflı məlumat vermiş, mövzuya dair pre-test iştirakçılara paylanılmışdır. İştirakçılar pre-testlləri cavablandırdıqdan sonra müzakirə əsasında keçirilən təlimdə iştirakçılardan Rəhimov Səfər icma – bələdiyyə birgə modeli ilə tullantıların idarə olunmasının yarana biləcək çətinlikləri ilə əlaqədar sualını təlimçi Xəlil Süleymanov ətraflı izah etdi. Digər iştirakçıların sualları da təlimçi tərəfindən ətraflı cavablandırıldı. Təlim iştirakçıları layihənin həqiqətən də aktual bir problemin həlli üzrə maarifləndirmə üzrə əhəmiyyətli olduğunu qeyd etməklə, layihə Donoru olan Azərbaycan Respublikasının Qeyri- Hökumət Təşkilatlarına Dövlət Dəstəyi Agentliyinə və Azad İstehlakçılar İctimai Birliyinə dərin minnətdarlıqlarını bildirdilər. Təlimlər layihədə nəzərdə tutulmuş qrqfikə uyğun olaraq davam etdirilir və layihənın icrasına yerli İcra Hakimiyyəti orqanları, bələdiyyə qurumları yaxından köməklik göstərirlər.
