Azərbaycan, Türkiyə, Türkmənistan, Pakistan və digər dövlətlərlə müştərək layihələrin gerçəkləşdirilməsi imkanları nəzərdən keçirilir.
IRNA-nın xəbərinə görə, bunu bugünkü mətbuat konfransında İran prezidenti Məsud Pezeşkian deyib.
Pezeşkian deyib ki, xarici məsələlərlə bağlı qonşu ölkələrlə əlaqələri yaxşılaşdırmağa çalışırlar.
“Türkiyə dost və qardaş ölkədir və qohum olduğumuzu söyləmək olar. İnancımız, mədəniyyətimiz və inanclarımız iç-içədir və Türkiyə ilə ortaq sərmayə qoymaq bizim motivasiyamız və istəyimizdir. Biz elə bir yol yarada bilərik ki, iranlılar Türkiyəyə asanlıqla gələ bilsinlər, siz də İran, Əfqanıstan, Pakistan və Türkmənistana asanlıqla gedəsiniz. Mən mütləq Türkiyəyə gedəcəm və türk rəsmilərini, sərmayədarlarını, alimlərini İrana dəvət edəcəyik”.
O həmçinin xarici sərmayələrin cəlbi üçün azad bazarların yaradılmasının müzakirə olunduğunu söyləyib. İran lideri bildirib ki, ölkəsi diplomatik münasibətləri ədalətli və məqsədyönlü şəkildə həyata keçirmək niyyətindədir.
Azpost.info
