“Azərbaycanlı hərbçinin sərhədi keçməsi barədə məlumatımız yoxdur” –

Ermənistan Milli Təhlükəsizlik Xidmətində Azərbaycan hərbçisinin sərhədi keçməsi ilə bağlı faktiki məlumat yoxdur.

Azpost.info bildirir ki, bu barədə Ermənistan Milli Təhlükəsizlik Xidmətinin mətbuat xidməti Azatutyun-un sorğusuna cavab olaraq bildirib.

Bildirilib ki, yeni məlumatlar əldə olunarsa, əlavə dəqiqləşdirmələr aparılacaq.

Qeyd edək ki, Azərbaycan Ordusunun hərbi qulluqçusu əsgər Hüseynov Ceyhun Tofiq oğlu iyunun 9-da Naxçıvan Muxtar Respublikasının Sədərək rayonunun Günnüt yaşayış məntəqəsi istiqamətində naməlum şəraitdə itkin düşüb.

Müdafiə Nazirliyindən verilən məlumata görə hərbi qulluqçumuzun axtarışı ilə bağlı zəruri tədbirlər görülür.