Birləşmiş Ərəb Əmirlikləri 6 ildən sonra İrandakı səfirinin işini bərpa etdiyini açıqlayıb.
Azpost.info xəbər verir ki, bu barədə “The Guardian” qəzeti yazır.
“Səfir Saif Mohammed Al Zaabi ikitərəfli münasibətlərin daha da inkişafına kömək etmək üçün yaxın günlərdə BƏƏ-nin İran İslam Respublikasındakı səfirliyində vəzifəsini bərpa edəcək”, – BƏƏ Xarici İşlər Nazirliyi bəyan edib.
Nazirlik bildirib ki, bu addım iki ölkənin və bütövlükdə regionun ümumi maraqlarına nail olmaq məqsədi daşıyır.
İyulun ortalarında BƏƏ prezidentinin müşaviri Ənvər Qarqaş regional gərginliyi yumşaltmağa çağıraraq səfirin mümkün qayıdışını elan etmişdi.
Azpost.info
