Suriyanın keçmiş lideri Bəşər Əsəd həqiqətən də bir müddət əvvəl Moskvada zəhərlənib.
AzPost bildirir ki, bu barədə Rusiyanın güc strukturlarına yaxın teleqram kanalları məlumat verib.
Mənbələr bu məlumatı təsdiqləyir. Zəhərlənmənin Suriyanın keçmiş prezidenti ilə hazırkı hökumət rəsmilərindən ibarət nümayəndə heyətinin görüşündən az sonra baş verdiyini bildirir. Onlar Əsədə keçmiş prezidentin götürdüyü pul və qiymətli əşyaları Dəməşqə təhvil vermək müqabilində onun bir neçə tərəfdaşını və keçmiş tabeliyində olanları azad etmək variantını təklif ediblər.
Əsədin yaxın ətrafı hesab edir ki, bu nümayəndə heyətinin üzvləri zəhərlənmə cəhdində birbaşa iştirak edə bilərlər. “Onlar başqa variantları belə nəzərdən keçirmirlər. Biz Rusiyanın Suriyanın keçmiş prezidentini “müdafiə edə bilməməsi” ilə bağlı iddiaları qəsdən anti-Rusiya təxribatı kimi qiymətləndiririk”, – deyə keçmiş Suriya liderinə yaxın mənbə deyir.
