Emin Əmrullayev
Peşə təhsili sahələrində bəzi dəyişikliyə ehtiyac var.
Bunu elm və təhsil naziri Emin Əmrullayev Heydər Əliyevin 100 illik yubileyinə həsr olunmuş “Güclü iqtisadiyyat üçün Azərbaycanda peşə təhsilinin inkişaf yolu: gələcəyə baxış” adlı konfransda çıxışı zamanı deyib. O bildirib ki, bəzi ixtisaslarda rəqabətli kadrlar hazırlanmalıdır.
“Aşpaz ixtisası kifayət qədər mürəkkəbdir. Dünyada aşpaz standartı müxtəlif ölkələrin mətbəxlərini bilən, qidanı təqdim etməkdən tutmuş ayrı-ayrı dadı yoxlamağadək bütün işləri bacaran mütəxəssisləri nəzərdə tutur. Bunun hazırlığı kifayət qədər bahadır. Məsələn, 5 ulduzlu hotel üçün yaxşı aşpaz hazırlamaq baha başa gəlir. Biz bunu başa düşməsək və ildə 500 manata aşpaz hazırlasaq, nəticə etibarilə əmək bazarında rəqabətli ixtisasa malik mütəxəssis olmayacaq. Ona görə qoyulan investisiya ilə kadrın rəqabətliliyi arasında əlaqəni qiymətləndirmək lazımdır”, – deyə nazir fikrini yekunlaşdırıb edib.
