“Stalin çətin ki, Kremlin Ukraynada etdiklərini dəstəkləyərdi”.
Azpost.info bildirir ki, bu sözləri SSRİ-nin keçmiş rəhbəri İosif Stalinin nəticəsi Yakov Cuqaşvili babasının ölümünün 70 illiyi ilə bağlı deyib.
“Rəsmi Rusiya təbliğatı Ukrayandakı hərbi əməliyyatı Böyük Vətən Müharibəsi ilə eyniləşdirir. Bunun nəticəsində insanlarda belə əminlik yaranır ki, Stalin Rusiya ordusunun və muzdluların Ukraynaya hucumunu dəstəkləyərdi”-deyən Y.Cuqaşvili ildönümü ilə bağlı yazılmış “Stalin bizə qələbə üçün kömək etməlidir” məqaləsindəki tezislərə etirazını bildirib.
Məqalədə qeyd edilir ki, “Stalin Rusiyaya işləməli, qələbədə bizə yardım göstərməlidir. O sağ olsaydı özü də bunu istəyərdi”.
Y.Cuqaşvili bildirib: “Stalin çətin ki, Kremlin Ukraynada etdiklərini dəstəkləyərdi. Gəlin bir anlıq düşünək. Stalin hazırda baş verənləri görsəydi nə tədbir tökərdi? Nədən başlamalı? Stalin dövlətçi idi. Dövlət isə qanunlarla idarə olunur. Zənnimcə, Stalin ilk növbədə Rusiya Konstitusiyasına baxardı. Orada görəcəkdi ki, Ali Qanunun tələblərinə rəğmən heç bir dövlət qurumunun- Nə Dövlət Duması, nə də Federasiya Şurasının qəbul etdiyi bircə sənəddə belə “Ukrayna”, “müharibə”, “xüsusi əməliyyat” kəlməsi yoxdur. Prezidentin rəsmi saytında isə xüsusi hərbi əməliyyatın başlanmasına dair heç bir fərman yoxdur”.
Y.Cuqaşvilinin fikrincə, Rusiyanın xalq adından çıxış edən heç bir dövlət orqanı Silahlı Qüvvələri Ukraynaya müharibəyə göndərməyib: “Stalin həm də Rusiya Cinayət Məcəlləsinə baxardı. Görək belə hiyləgər yolla rus məmurlar CM-nin “təcavüzkar müharibənin planlaşdırılması, və həyata keçirilməsi” ilə bağlı 353-cü maddəsində nəzərdə tutulan məsuliyyətdən qaçmaq istəməyiblər ki?”.
Y.Cuqaşvilinin sözlərinə görə, Rusiyadan fərqli olaraq ABŞ prezidenti və Konqresi öz qərarlarına görə məsuliyyət daşımaqdan çəkinmirlər.
51 yaşlı Y.Cuqaşvili Stalinin oğlu Yakov Stalinin nəticəsidir. Onun atası Yevgeni Cuqaşvilidir.
Azpost.info
