ABŞ-ın sabiq prezidenti Barak Obama və həyat yoldaşı Mişel Obama onların boşandığı barədə yayılan şayiələrə zarafatla cavab veriblər.
AzPost xəbər verir ki, cütlük aparıcı Kreyq Robinsonun podkastında birgə iştirak edərək yayılan iddialara münasibət bildirib.
Veriliş zamanı Mişel Obama bildirib: “Bilirəm ki, biz ayrı-ayrılıqda tədbirlərə qatıldıqda insanlar elə düşünür ki, artıq boşanmışıq”. Barak Obama isə zarafatyana şəkildə əlavə edib ki, “Mişel məni geri qəbul etdi”. Bunun ardınca Mişel qeyd edib ki, “heç vaxt ərimdən boşanmağı düşünməmişəm”.
Qeyd edək ki, Barak və Mişel Obamanın ayrıldığı barədə şayiələr ABŞ mediasında vaxtaşırı yayılsa da, bu iddiaları təsdiqləyən heç bir fakt təqdim olunmur. Cütlük 1992-ci ildə rəsmi nikaha daxil olub və ailə həyatlarını davam etdirirlər.
Barak Obama ABŞ prezidenti vəzifəsini 2009–2017-ci illər ərzində icra edib. Hazırda hər iki şəxs ictimai və humanitar layihələrdə aktiv şəkildə iştirak edir.
