ABŞ prezidenti Co Bayden Çin Sədri Si Cinpini diktator adlandırıb.
Azpost.info bildirir ki, bu barədə Reuters agentliyi məlumat yayıb.
Bayden Kaliforniyada kampaniyası üçün vəsait toplama toplantısında da oxşar fikirlər səsləndirib. Amerika lideri onu da bildirib ki, Si Cinpinin fevralın 4-də Amerika hava məkanında vurulan Çin şarının yeri barədə məlumatı olmayıb. Hava şarının kursdan kənara çıxması mümkündür.
Bayden əvvəllər də oxşar ehtimallar irəli sürüb. İyunun 17-də o, Ağ Evdə jurnalistlərə deyib ki, onun fikrincə, ÇXR rəhbərliyi hava şarının harada olduğunu, içində nə olduğunu və nə baş verdiyini” bilmir.
Eyni zamanda, o, yaxın aylarda Si Cinpinlə görüşməyə ümid etdiyini bildirib.
Dövlət katibi Entoni Blinkenin iyunun 18-19-da Pekinə səfərini şərh edən Bayden Vaşinqtonla Pekin arasında münasibətlərin “düzgün yolda olduğunu” bildirib.
Azpost.info
