Co Bayden administrasiyası və Demokratlar Partiyasının miqrasiya siyasəti ilə bağlı səyləri qarşıdan gələn prezident seçkilərində qüvvələr balansını dəyişməyə yönəlib.
Azpost.info xəbər verir ki, bunu amerikalı sahibkar Elon Mask “Tviter”də (X) yazıb.
O qeyd edib ki, indi siyahıyaalmada vətəndaşlığından asılı olmayaraq bütün sakinlər nəzərə alınır.
“Demokratlar Konqresdəki yerləri bölüşdürərkən qeyri-qanuni mühacirlərin sayılmasını dayandıran düzəlişin ləğvi üçün yekdilliklə səs verdilər. Qeyri-qanuni miqrantlar əsasən demokratların olduğu ştatlarda yaşadığı üçün Nümayəndələr Palatasının və prezident seçkilərində səslərin təxminən 5 faizi sola doğru dəyişir. Bu da bütün güc balansını dəyişməyə kifayət edir”, – Mask deyib.
O qeyd edib ki, Bayden administrasiyasının ölkədə rekord sayda qeyri-qanuni miqrant saxlamasının və minimum deportasiya həyata keçirməsinin əsas səbəblərindən biri də budur.
Azpost.info
