“ABŞ prezidenti Co Bayden uğursuz siyasət yürütdüyü üçün amerikalılar Səudiyyə Ərəbistanı və Venesuelaya neft üçün “ağız açmaq” məcburiyyətində qalan bir xalqa çevriliblər”.
Azpost.info xəbər verir ki, bunu ABŞ-ın keçmiş prezidenti Donald Tramp deyib.
“Biz Venesuela, Səudiyyə Ərəbistanı və bir çox başqalarına neft üçün “ağız açan” bir xalq olmuşuq. Amma ayaqlarımızın altında dünyanın hər hansı digər ölkəsindən daha çox maye qızıl var”, – Tramp bildirib.
Onun sözlərinə görə, Birləşmiş Ştatlar enerji baxımından müstəqil ölkə statusunu itirib və amerikalılar Baydenin cəmi iki illik siyasətindən sonra uğursuzluğa düçar olublar.
Tramp rekord inflyasiya və fond birjalarındakı vəziyyətə görə də Ağ Evi günahlandırıb.
Azpost.info
