Belçika Ukraynanı 10 sualtı dron, radiasiya səviyyəsinin, həmçinin kimyəvi və ya bakterioloji silahların istifadəsinin monitorinqi üçün 2 mobil laboratoriya təmin edəcək.
Azpost.info xəbər verir ki, bunu Belçikanın müdafiə naziri Lyudivin Dedonder bildirib.
“Bu dronlar minalardan tutmuş, casus proqramlara qədər istənilən sualtı təhlükəni müəyyən etməyə imkan verir. Bu, Ukraynaya çox kömək edəcək tamamilə yeni bir texnologiyadır. Belçika ordusu artıq belə vasitələrdən istifadə edir. Onların hamısı mayın sonuna qədər bir neçə mərhələdə Ukraynaya çatdırılacaq”, – nazir deyib.
Onun sözlərinə görə, Belçika eyni zamanda Ukrayna ordusuna hərbi təlim keçəcək: “Belçika Ukrayna hərbçilərinin təlimi üçün 18 növ kurs təşkil etmək niyyətindədir ki, onların tədrisi üçün yüz belçikalı hərbçi ayrılacaq”.
Azpost.info
