İtaliyanın sabiq Baş naziri Silvio Berluskoninin oğlu siyasətlə məşğul olmayacağını açıqlayıb.
Azpost.info bildirir ki, İtaliyanın ən böyük özəl media qrupu Mediaset-in direktoru olan Piersilvio Berluskoni atasının ölümündən sonra siyasətə qoşulmayacağını bildirib.
“Qətiyyən yox, mən siyasətə getməyəcəyəm” -deyə o, Milanda şirkəti ilə bağlı keçirilən tədbirdə jurnalistlərə deyib.
“Corriere della Sera”nın məlumatına görə, 54 yaşlı iş adamı emosional baxımdan belə bir fikrin onun başına gəldiyini etiraf edib. Lakin onun siyasətlə məşğul olmaqdan imtinasını 3 səbəblə bağlayıb.
“Hesab edirəm ki, siyasət ciddi bir peşədir. Onu öyrənmək lazımdır. Ona görə də təcrübəsiz halda buna can atmaq düzgün olmaz. Eyni zamanda, hər şeyi yarı yolda qoyub gedə bilmərəm: “Mediaset” vacibdir və mən birdən-birə bundan ayrıla bilmərəm. Üçüncü səbəb odur ki, ölkədə heç bir fövqəladə hal görmürəm: Seçicilərin səs verdiyi hökumət var və “İrəli İtaliya” onun sabitliyinə zəmanət verir”, – deyə Berluskoni bildirib.
Azpost.info
