“Bir çox dövlətlər Rusiyaya qarşı açıq-aşkar düşmən mövqe tutur”.
Azpost.info xəbər verir ki, bunu Rusiya prezidentinin mətbuat katibi Dmitri Peskov bildirib.
“Bizə düşmən olan çoxlu dövlətlər var. Onlar artıq ört-basdır etmədən düşmənçilik mövqeyindən çıxış edirlər, maraqlarımıza zidd olan, bizə zərər vuran, mənafeyimizə xələl gətirən hərəkətlər edirlər”, – Peskov deyib.
Onun sözlərinə görə, Rusiya bu hərəkətləri balanslaşdırmalı və onların mənfi nəticələrini minimuma endirməlidir: “Beynəlxalq münasibətlər və xarici siyasətin mənzərəsi sürətlə dəyişir və nəzərə alınmalı olan yeni dünya reallığı yaranır”.
Azpost.info
