Birmarket
“Birmarket” onlayn ticarət platformasından sifariş verən vətəndaş xidmətin gecikməsi ilə bağlı narazılığını bildirib. AzPost.az xəbər verir ki, şikayətçi sifarişin vaxtında çatdırılmamasını aldatma kimi qiymətləndirib.
Vətəndaş bildirib ki, sifarişi 4 gün əvvəl verib və çatdırılma tarixi 11 oktyabr olaraq göstərilib. “Birmarket”dən alış etmə səbəbi bölgələrə sürətli çatdırılma xidməti göstərməsi olub. Lakin vədinə əməl olunmadığını deyən müştəri qeyd edib: “Artıq ikinci dəfədir bu halı yaşayıram. Əgər düzgün işləyə bilmirsinizsə, insanları aldatmayın. Sifarişi qəbul etməyin, satmayın, deyin alınmır. Hədiyyə idi, ayın 11-i verilməli idi, amma artıq 13-dür, hələ də çatdırılmayıb”.
Vətəndaşın sözlərinə görə, “Birmarket” müştəri etibarını qorumaq üçün bölgələrə yönəlik logistik xidmətlərini təkmilləşdirməlidir. “Mən bu xidmətdən sürətli çatdırılma vədini əsas götürərək istifadə etdim, amma nəticədə nə hədiyyə vaxtında çatdı, nə də məlumatlandırma oldu,” – deyə şikayətçi vurğulayıb.
Məsələ ilə bağlı AzPost.az “Birmarket” şirkətinin mövqeyini öyrənməyə çalışır.
